طول العمر.. قال ايه ؟ 

يبلغ الامل

اربع سنوات بعد بلوغ سن التقاعد

ولم يتم صرف بدل الاجازات أورصيد بدل الاجازات بحكم المحكمه

اوحتى مكافأة نهاية الخدمه.

علما يااخى والله بدأت العمل فى التلفزيون منذ عام 1977 كمعد برامج ثم عينت كمخرج عام 1985 وتدرجت حتى كبير مخرجين مدير عام حتى سن التقاعد عام 2018  .. يعنى بالصلى على النى اربعه واربعين سنه ومعاشى قال ايه الف جنيه . . علشان كده بقول لاولادنا وبأكد : لوفاتك الميرى اوعى تبصله.

ماعلينا

عدت 18 ، 19، 20 ، و21 على الابواب ومافيش صرف لالبدل رصيد اجازات او بدل رصيد الاجازات بحكم القضاء اومكافأة نهاية الخدمه والمعاش زى ماهو الف جنيه .. حسبى الله ونعم الوكيل.

واحتارنا نسأل مين أوفين 

واعتقد ان الحال سيبقى على ماهو عليه ، ومافيش فليده مافيش حد بيسمع لشكوانا

حد يقولى طب نعمل ايه بعد اللجوء الى القضاء

سامع حد بيقول اخبط دماغك فى الحيط 

موش حتقدر تاخد حاجه من التلفزيون او من وزارة الاعلام

حتى ولو كان حقك فقول حسبى الله ونعم الوكيل .

حد تانى قالى: ارفع عليهم قضيه تانى بعدم تنفيذ حكم المحكمه

حد تالت قالى : طولة العمر بتبلغ الامل

فرديت عليه: ياعم معظم زملائنا توفاهم الله ولم يحصلوا على رصيد الاجازات اومكافأة نهاية الخدمة  فمااعتقدش ان فيه امل حتى لوطال العمر

حد رابع

حد خامس

حد سادس 

حد يقولى بالله عليكم نعمل ايه فى الزمن الاغبر ده ؟