ابو نموسه
=====
الجده شريده
25من -100
=======
يوسع نوررايق ولد قدور الخياط حدقتى عينيه عن آخرها .. تنظر الى حبات الرمال
حبة حبة مع رحيل الشمس .. يقترب من خيمة الجدة شريده .
الجده: فيه ايه يانور ياولدى؟ انت عتدور على ايه .. انت موش عتبطل الهباب ده؟
نور : عينيك معايا ياجده الله يخليكى .. انا قلبت السياله مالقيتهاش .. سنه تعدل المزاج ..ترجع النظر اللى راح .
الجده : اللى راح راح يانور .. مرتك وخمس بنات زى الورد طفشوا من عمايلك وسابوك لحالك.
نور: ماتقلبيش على المواجع ياجده .
الجده : ماهمكش غير الكيف ونموسة الهباب اللى عتدور عليها .. داانت وابوك كنتوا خياطين مالكوا زى .. ايه اللى جرالك؟
نور : بكفياك ياجده .
يواصل ولد قدور بحثه عن نموسة الافيون التى ستعيد اليه العافية .
أطفال التل : ابو نموسه .. باع الجاموسه وجاب عروسه.. ابونموسه همل العروسه علشان النموسه.
يسب نور آباء الصغار وامهاتهم مترنحا وهو يقذفهم بالحصى حتى يقلعوا عن زفته اليومية كلما فقد نموسته .. سنة الافيون
ليست هناك تعليقات:
إرسال تعليق