عدوده لجوده
=======
الجده شريده (18)
==========
يخيم الحزن على محيط خيمة الجدة شريده كلما أخذت تعدد تحطن بها بنات التل تواسينها .. تخففن من شدة آلام فقد الزوج منذ سنين قديمه.
الجده:اللى غاب عن عينى .. ميتا ياناس يجينى .. بحنانه يغطينى .. يشوف اللى حصلى.
بنات التل :وآه يابوى ..واه يابوى.
الجده: جوده .. أبو الجود .. ياجواد.
: لما يقوم من نومه .. مين يواسى همومه .. ومين ياناس يقوللى؟
فتيات التل: واه بابوى.. واه يابوى.
الجده : جوده .. ابوالجود .. ياجواد.
يتسع فم بسمه بنت عويجه الرخ الصياد قائلة لجارتها : جوده وابوالجود وجواد دول بيقولو كان البخل ذات نفسه بقى هو والتراب تراب.
. امى ماتوعى عليه .. يعنى أكتر من اربعين حول.
تسمع الجدة ماقالته بسمه لجارتها
الجده: عتقولى ايه ياكلبه يابنت الكلبه كلبه تاكل مصارينك .. يحرق اللى جابك.. فزى قومى انت وهى من حواليا.
تواصل الجدة رثاءاتها .. واه يابوى .. واه يابوى.
حتى تسقط من الاعياء فتلعق الكلاب الوجه والايدى لتفيق فتقدم لهم الطعام.
ليست هناك تعليقات:
إرسال تعليق