بغال الأبعديه
=======
الجده شريده
=======
(14)
===
يصك آذان صغار تل لالى القديم صوت اطلاق الرصاص فيحتمون بجسد الجدة شريده
الجده:ماتخافوش دى بغال الابعديه بيبندقهم السماوى لما يشيبوا ومايبقاش فيهم الرجا بسهل التل
خفيجه بنت خافجه: ايه البغال دى ياجده؟
الجده: ساعة صفا لفرسه موش لاقيه حصان ، يتطاول عليها حمار شديد فيطلع الجبل وتشيل منه فتولد بغل ، والبغل لايجوز ولايخلف ، وطول عمره شديد شيال الحمول لحد مايشيب ومايقدر على الشغل,
خفايجى ولد خافجه:ساعتها يبندقه السماوى ياجده.
الجده: عفارم عليك فاوعى تكون بغل ، ولو كنت حمار اوحماره خليك حمار اوحماره وبلاش تطلع جبال ، ولو كنت حصان ولافرسه خليك حصان اوفرسه لاالسماوى يبندقك.
يزداد احتماء الصغار بجسد الجدة مع صوت الرصاص الذى لم ينقطع لحظة.
قصة
ل محمود حسن فرغلى
ليست هناك تعليقات:
إرسال تعليق